قصيدة مغترب عن وطنه...

بسم الله الرحمن الرحيمم

مغترب عن وطنه...

انا درت الشوراع مشي...والحيرة باقدامي...
وظنتي بهذا المشي تتحقق احلامي...
اشجابني للغرب ...انا ليش اتركت بيتي...
يا قيمتي عد هلي وياسمعتي وصيتي...
انا الي جنت للظهر..متهني بنومي...
واحتار وكت العصر ...شلبس من هدومي...
ناديت من الغرب واتذكرت حالي..
اشكد قيمة جانت الي..واشكد جنت غالي...
عبرت الحدود ورحت امسح بدمعاتي..
وعفت اهلي ودنيتي وام بيتي واطفالي...
ماجني رايح سفر..رحت ارجف من الخوف...
وجني مشيت وبعد ماعود للتالي..
هناك شفت الالم والذلة والحيرة...
وحسيت بيت الاهل مانرهم بغيره...
مدلل ببيتي جنت ويضحكن عيوني..
شبية غريب صبحت من ديرتي ال ديرة...
راسلت مرة هلي وردت انطي عنواني...
وبالغربة المن انا ويابيت يرضالي..
ياروحي من هم هلي وشكد رقم بيتي...
ومن اجي تعبان انا ..ياهو يتلكاني..
وين انا بلمة هلي..واصحابي واخواني..
عايش عمر من عمر ماظن يرد ثاني..
اليبتعد عن هلة الناس متهابة..
ولو جاع ولامرض من يحسب حسابه..
الي على دارة ابتعد..مايلكة مقدارة..
اخ على ذلة الغرب يابوية يا يابة..
خايف انا وارتجف جن عايش بغابة..
واتمنى من الوطن بس شمة ترابة...
صح البشر بالغرب...تحجي ويفهمونك..
تكعد تروح وتجي بس ما يقيمونك..
انت مجرد شخص متغرب ورحال..
عفت اهلك وديرتك وتغربت للما...
لحظة بعد ما اظل بين الغرب شلي...
واسلم على مابقة من غيمتي احسن لي...
خزن بعيني الدمع يم الغرب مبجيت...
وارد ابجي مثل الطفل يم باب بيت اهلي...

منتديــــات رويــــم
الغزال الابيض

» قصيدة زلزال مسينا
» قصيدة من سلمى
» قصيدة انتحار الطلبة
» قصيدة فتاة تنظر الي رجل
» قصيدة" بلادي الجميلة"